ابو عبدالرحمن عبید بن اسحاق عطار کوفی، یقال لہ عطار المطلقات

حافظ عباس دوریlفرماتے ہیں: ’’قلت ليحيى بن معين: هذه الأحاديث التي يحدث بها باطل؟ فقال لي: اتق الله ويحك! فقلت له: هي باطل‘‘[34]. میں نے  یحیی بن معینl سے کہا: عبید عطار، جن احادیث کو بیان کرتا ہے، یہ باطل ہیں، یحیی بن معینl نے مجھ سے کہا: اللہ سے ڈرو، اللہ تم پر رحم کرے،(حافظ عباس دوریl فرماتے ہیں) میں نے کہا: یہ باطل ہیں۔

حافظ ابن عدیl نے ’’الكامل‘‘[35]میںاس حکایت کے آخر میں یہ اضافہ بھی کیا ہے: ’’فسكت‘‘. پھر یحیی بن معینl خاموش ہوگئے۔

حافظ یحیی بن معین lنے ایک مقام  پر عبید بن اسحاق کو ’’ لا شيء‘‘ کہا ہے[36]۔

حافظ یحیی بن معین l ایک دوسرے مقام پر عبید بن اسحاق کے بارے میں فرماتے ہیں: ’’ كذاب، وكان صديقا لي‘‘. کذاب ہے، یہ میرا دوست تھا[37]۔

امام بخاری l ’’التاريخ الكبير‘‘[38]میں عبید بن اسحاق کے بارے میں فرماتے ہیں:’’عنده مناكير‘‘. اس کے پاس مناکیر ہیں۔

امام بخاری l نے ’’الضعفاء‘‘[39] میں اسے ’’ضعیف‘‘، اور’’التاريخ الصغير‘‘[40]  میں’’منکرالحدیث‘‘ کہا ہے۔

امام مسلم l نے’’الكنى‘‘[41] میں اسے ’’متروک الحدیث‘‘ کہا ہے۔

حافظ ابو زرعہl نے عبید بن اسحاق کو ’’منكر الحديث‘‘ کہا ہے[42]۔

حافظ ابو حاتم l ، عبید بن اسحاق کے بارے میں فرماتے ہیں:  ’’ما رأينا إلا خيرا، وما كان بذاك الثبت، في حديثه [بعض ]  الانكار‘‘[43]. ہم نے اس میں خیر ہی دیکھی ہے، یہ ’’ثبت‘‘نہیں تھا، اس کی حدیث میں کچھ انکار ہے۔

امام نسائیlنے ’’الضعفاء‘‘[44] میں عبید بن اسحاق کو ’’متروك الحديث‘‘ کہا ہے۔

حافظ ابن جارود l فرماتے ہیں: ’’يعرف بعطار المطلقات، والأحاديث التي يحدث بها باطلة‘‘[45]. اسے عطار مطلقات سے پہچانا جاتا ہے، اس کی بیان کردہ احادیث باطل ہیں۔

حافظ ازدیl نے عبید بن اسحاق کو ’’متروک الحدیث‘‘ کہا ہے[46]۔

حافظ ابن حبانl نے ’’الثقات‘‘[47]میں عبید بن اسحاق کو ذکر کر کے  ’’يغرب‘‘ کہا ہے۔

نیزحافظ ابن حبانl ہی’’المجروحین‘‘[48]میں عبید بن اسحاق کے بارے میں فر ماتے ہیں:  ’’ ممن يروي عن الأثبات مالا يشبه حديث الثقات، لا يعجبني الاحتجاج بما انفرد من الأخبار‘‘. یہ ان لوگوں میں سے ہے جو اثبات کے انتساب سے ایسی احادیث نقل کرتے ہیں جو ثقات کی احادیث کے مشابہ نہیں ہوتیں، مجھے اس کی تفرد والی روایات سے احتجاج کرنا پسند نہیں ہے۔

حافظ ابن عدی l’’الكامل‘‘[49] میں عبید بن اسحاق کے ترجمہ میں چند احادیث تخریج کرنے کے بعد فرماتے ہیں: ’’ولعبيد غير ما ذكرت من الحديث، وعامة ما يرويه: إما أن يكون منكر الإسناد، أو منكر المتن‘‘. اور عبیدکی مذکورہ حدیث کے علاوہ بھی احادیث ہیں، اور اس کی اکثر روایات یا تو منکر الاسناد ہیں یا منکر المتن۔

حافظ ابن عدی lنے ’’الكامل‘‘[50] میں سعد بن طریف کے ترجمہ میں ایک حدیث تخریج کی، پھر فرماتے ہیں: ’’ولو لم يرو سعد غير هذا الحديث لحكم عليه بالضعف، على أن هذا الحديث لم يروه عنه إلا سيف، وعن سيف، عبيد بن إسحاق، وجميعا ضعيفان، فلا أدري البلاء منهما أو منه؟‘‘. اور اگر سعد نے اس کے علاوہ کوئی حدیث روایت نہ کی ہوتی تو بھی اس پر ضعف کا حکم لگتا، اس کے ساتھ ساتھ کہ اسے سعد سے صرف سیف نے روایت کیا ہے، اور سیف سے عبید بن اسحاق نے روایت کیا ہے، اور یہ تمام  ضعیف ہیں، معلوم نہیں کہ بلاء اُن دونوں کی جانب سے ہے، یا اس کی جانب سے؟۔

امام دارقطنیl نے ’’ الضعفاء‘‘[51] میں عبید بن اسحاق عطار کو’’ضعیف‘‘ کہا ہے۔

حافظ ابن حزم ظاہری l ’’المحلى‘‘[52] میں ایک حدیث کے تحت عبید بن اسحاق کے بارے میں فرماتے ہیں: ’’يعرف بعطار المطلقات كوفي، يحدث بالباطل، ليس بشيء‘‘. اس کی معرفت عطار مطلقات سے ہے، کوفی ہے، باطل بیان کرتا ہے، لیس بشیء ہے۔

امام بیہقی l نے ’’شعب الإيمان‘‘[53] میں ایک روایت کے تحت عبید بن اسحاق کو ’’منکر الحدیث‘‘ کہا ہے۔

حافظ ذہبیl نے ’’تنقيح التحقيق‘‘[54] میں ایک روایت کے تحت عبید بن اسحاق کو ’’لین‘‘ کہا ہے۔

حافظ ذہبی l ’’المغني‘‘[55] میں عبید بن اسحاق کے بارے میں فرماتے ہیں: ’’ضعفوه، ورضيه أبو حاتم‘‘. محدثین نے اسے ضعیف کہاہے، اور ابو حاتمl  اس سے راضی تھے۔

نیز حافظ ذہبی lہی ’’تلخيص المستدرك‘‘[56] میں ایک حدیث کے تحت فرماتے ہیں:’’وعبيد ضعفه غير واحد، ومشاه أبو حاتم‘‘. اور عبید کو متعدد محدثین نے ضعیف کہاہے، اور ابو حاتم lنے اسے چلنے دیا ہے۔

اہم نوٹ: حافظ ابو حاتم lنے متعدد مقامات پر عبید بن اسحاق کی روایات کو ان کی وجہ سے منکر قرار دیا ہے، جیسا کہ پہلے گزرچکا ہے، اس لئے حافظ ذہبی l کا مذکورہ قول قابل نظر ہے، واللہ اعلم۔

حافظ ہیثمیl نے ’’مجمع الزوائد‘‘[57] میں ایک روایت کے تحت عبید بن اسحاق کو ’’متروك‘‘ کہا ہے۔

حافظ ابن حجر عسقلانیl نے ’’الزهر النضر‘‘[58] اور ’’الإصابة‘‘[59] میں ایک حدیث  کے تحت عبید بن اسحاق کو ’’متروك الحديث‘‘ اور’’نزهة الألباب‘‘[60] میں ’’أحد الضعفاء‘‘ کہا ہے۔