ابو عاتکہ طریف بن سلمان

حافظ ابن حبان l ابوعاتکہ کے متعلق ’’المجروحین‘‘ میں فرماتے ہیں:’’منكر الحديث جدا، يروي عن أنس ما لا يشبه حديثه، وربما روى عنه ما ليس من حديثه‘‘[15].

ابوعاتکہ شدیدمنکرالحدیث ہے،یہ حضرت انسr سے ایسی روایتیں نقل کرتا ہے، جو ان کی احادیث کے مشابہ نہیں ہوتیں، اور بعض دفعہ ان سے ایسی روایت بیان کرتا ہے،جوان کی روایت کردہ احادیث میں سے نہیں ہوتی۔

اس کے بعد حافظ ابن حبان l نے ابوعاتکہ کی زیرِ بحث روایت نقل کی۔

حافظ ابو بِشر دُولابی l ’’الكنى والأسماء‘‘[16] میں لکھتے ہیں:

’’أخبرني أبو عبد الرحمن النسائي، قال: أنبأ علي بن الحسن بن الحسين قال: ثنا حماد بن خالد، قال: سألت شيخا يقال له: طريف بن سليمان [كذا في الأصل ] أبو عاتكة وكان قد أتى عليه مائة سنة وأربع سنين فقلت له: ربما اختلط عليك عقلك؟ قال: نعم، قلت: سمعت من أنس بن مالك: طلب العلم فريضة على كل مسلم؟ قال: نعم‘‘ .

’’۔۔۔ حماد بن خالد کہتے ہیں کہ ایک بوڑھا شخص جسے طریف بن سلیمان ابو عاتکہ کہا جاتا تھا،اور اس وقت ان کی عمر ۱۰۴ برس ہو چکی تھی، میں نے اس سے پوچھا کہ آپ کو کبھی کبھی اختلاطِ عقل بھی ہوتا ہے؟ اس نے کہا: ہاں،میں نے پھر پوچھا کہ کیا آپ نے حضرت انس بن مالک r سے سنا ہے کہ حصولِ علم ہر مسلمان پر فرض ہے،اس نے کہا: ہاں‘‘ ۔

    حافظ ابن ابی حاتمl’’الجرح والتعدیل‘‘میں اپنےوالدابو حاتم رازیl کاکلام ابوعاتکہ کے ترجمہ میں نقل فرماتے ہیں:’’ذاهب الحديث، ضعيف الحديث‘‘[17] .

   امام بخاری l  ’’التاریخ الکبیر‘‘ میں زیرِ بحث روایت تخریج کرنے کے بعد، طریف بن سلمان کےمتعلق فرماتے ہیں: ’’منكر الحديث‘‘[18].

   حافظ ابن عدیl ’’الکامل‘‘[19]میں طریف بن سلمان کے ترجمہ میں فرماتے ہیں : ’’منكر الحديث‘‘. اس کے بعد حافظ ابن عدیl نے ابوعاتکہ کی زیرِ بحث روایت تخریج کی۔

   امام نسائی l ’’الضعفاء والمتروکین‘‘[20]میں ابوعاتکہ کے بارے میں فرماتے ہیں : ’’ليس بثقة‘‘.

   حافظ دارقطنی l،ابوعاتکہ طریف بن سلمان کےمتعلق فرماتے ہیں: ’’ضعيف ‘‘[21].

    امام عقیلی l اپنی کتاب ’’الضعفاء الکبیر‘‘ میں مذکورہ روایت ذکر کرنے کے بعدابو عاتکہ کے بارے میں لکھتے ہیں: ’’هو متروك الحديث‘‘[22]. ابو عاتکہ ’’متروک الحدیث‘‘ہے۔

    حافظ ذہبیl ’’تلخیص‘‘[23]میں زیرِ بحث روایت ذکر کرنے کے بعد، ابوعاتکہ کے بارے میں فرماتے ہیں:”أبو عاتكة طريف واهٍ‘‘.ابوعاتکہ ’’واہی‘‘ہے۔

    اور ’’المغنی فی الضعفاء‘‘ میں طریف بن سلمان کے تر جمہ میں لکھتے ہیں: ’’مجمع على ضعفه‘‘[24]. یعنی اس شخص کےضعف پر اجماع ہے، اسی طرح ’’الکاشف‘‘ میں لکھتے ہیں:”ضعفوه “[25].

حافظ ذہبی l ہی سلیمانی l کایہ قول بھی نقل کرتے ہیں:”فيمن عرف بوضع الحديث‘‘[26].ابو عاتکہ ان لوگوں میں سے ہے جو وضع حدیث میں معروف ہیں۔

علامہ برہان الدین حلبی l ’’الكشف الحثيث‘‘[27]میں ابو عاتکہ کے ترجمہ میں حافظ ذہبی l کا یہ قول نقل کرنے کے بعد فرماتے ہیں کہ حافظ ذہبی l نے صرف سلیمانی کا قول نقل کیا ہے،بذاتِ خود ابو عاتکہ کے بارے میں یہ نہیں کہا کہ وہ حدیث گھڑتا تھا۔

اسی طرح حافظ ابن حجر l  ’’تقریب التهذیب‘‘[28]میں لکھتے ہیں: ’’بالغ السليماني‘‘. سلیمانی نے (ابو عاتکہ کو معروف بالوضع کہہ کر)مبالغہ کیاہے ،نیز ابو عاتکہ کو حافظ ابن حجر l  بذاتِ خود : ’’ضعيف‘‘ کہتے ہیں۔

حافظ جلال الدین سیوطیl ’’تعقبات على الموضوعات‘‘ میں اس روایت کے تحت ابوعاتکہ کے بارے میں لکھتے ہیں: ’’ أن أبا عاتكة من رجال الترمذي ولا يجرح بكذب ولا تهمة‘‘[29]. ابوعاتکہ ترمذی l کے رجال میں سے ہیں، اور ان پر کذب اور تہمت کذب کی جرح نہیں کی گئی۔

 لیکن اس پر حافظ ابن عراق l نے تعقب کیا ہے،چنانچہ آپ ’’تنزيه الشریعة‘‘[30] میں لکھتے ہیں: ’’كونه لم يُجْرَح ممنوع كما يُعلم من ترجمته في المقدمة‘‘. یہ کہناکہ ان پر جر ح نہیں کی گئی یہ بات درست نہیں، جیساکہ مقدمہ میں ان کے ترجمہ سے معلوم ہورہا ہے[31]۔

نوٹ:  پیچھے حافظ سیوطی lکے کلام سے معلوم ہوا کہ ابوعاتکہ رجالِ ترمذی میں سے ہے،یہاں کسی کو غلط فہمی نہ ہو کہ ان کی ’’ولو بالصین‘‘والی روایت کو موضوع کیسے قرار دیا جاسکتا ہے؟ حقیقت یہ ہے کہ ابوعاتکہ اگرچہ رجالِ ترمذی میں سے ہیں، لیکن ان کی جوروایت امام ترمذی l نے نقل كى ہے اسے بھی امام ترمذی lنے ان ہی کی وجہ سے ضعیف کہا ہے۔[32]

چنا نچہ امام ترمذی l اس حدیث کو نقل کر نے کے بعد فرماتے ہیں:

 ’’حديث أنس حديث ليس إسناده بالقوي، ولا يصح عن النبي صلى الله عليه و سلم في هذا الباب شيء‘‘.حضرت انس r  کی مذکورہ حدیث کی سند قوی نہیں ہے،اس باب میں نبی اکرم ﷺسے کوئی ’’صحیح‘‘ روایت منقول نہیں ہے۔

امام ترمذیl آگے ابو عاتکہ کے بارے میں فرماتے ہیں: ’’ أبو عاتكة يضعف‘‘[33]. ابو عاتکہ کو ضعیف کہا گیا ہے۔

اور مقدمہ میں یہ بات آچکی ہے کہ کسی راوی کی روایت کے ساقط ثابت ہونے سے یہ لازم نہیں آتا کہ ان سے منقول تمام متون ساقط ہوں گے، بلکہ دیگر قرائن وغیرہ سے ایسے راویوں کے بعض متون سقط سے محفوظ ہوں سکتے ہیں۔

خلاصہ: ابو عاتکہ کے بارے میں سوائے سلیمانی کے کسی نے بھی وضع حدیث کی نسبت نہیں کی، البتہ مختلف کلمات سے جرح کی گئی ہے،جن میں بعض شدید جرح پر مشتمل ہیں،مثلا:

   ’’منکرالحدیث جداً ‘‘۔ (امام ابن حبان l)

   ’’منکرالحدیث ‘‘۔ (امام بخاریl)

   ’’متروک الحدیث‘‘۔(حافظ عقیلیl)

   ’’واہی‘‘۔ (حافظ ذہبیl )

   یہ بھی واضح رہے کہ ابو عاتکہ،حضرت انس r سے اس روایت کو نقل کرنے میں (جس میں اطلبوا العلم ولوبالصینکے الفاظ ہیں) متفرد ہیں۔