ابو سہل صبّاح بن سہل بصری مدائنی واسطی

حافظ عثمان دارمیl ’’تاريخ عثمان‘‘[44] میں فرماتے ہیں: ’’قلت: فالصبّاح أبو سهل الواسطي، تعرفه؟ فقال: لا أعرفه‘‘.میں نے یحیی بن معین l سے پوچھا: آپ صبّاح ابوسہل واسطی کو پہچانتے ہیں؟ یحیی بن معین l نے کہا: میں صباح کو نہیں جانتا۔

حافظ ابن عدی l ’’الکامل‘‘[45] میں حافظ ابن معینl  کا یہ قول نقل کرنے کے بعد فرماتےہیں: ’’وقول ابن معين لا أعرفه، لأن جميع ما يروى من الحديث لا يبلغ عشرة أحاديث، وهي أحاديث لا يتابعه أحد عليها‘‘. ابن معین l کا یہ کہنا  کہ مجھے اس کی معرفت نہیں ہے،کیوں کہ صبّاح بن سہل کی مجموعی احادیث دس تک بھی نہیں پہنچتیں، اور ان احادیث میں کسی نے اس کی متابعت بھی نہیں کی ہے۔

امام بخاریl نے ’’ التاریخ الکبیر‘‘[46]، ’’ التاریخ الصغير‘‘[47] اور ’’الضعفاء‘‘[48] میں صبّاح بن سہل کو ’’منکر الحدیث‘‘ کہا ہے۔

امام مسلمl نے ’’الكنى والأسماء‘‘[49] میں صبَّاح بن سہل کو ’’منکر الحدیث‘‘ کہا ہے۔

حافظ عبد الرحمن l ’’الجرح والتعديل‘‘[50] میں حافظ ابو حاتم l وحافظ ابوزرعہ رازیl کا قول نقل فرماتے ہیں: ’’هو منکر الحدیث، وسمعت أبي يقول: يكتب حديثه‘‘. وہ منکر الحدیث ہے، اور میں نے اپنے والد سے سنا کہ اس کی حدیث کو لکھا جائے گا۔

حافظ ابن حبان l ’’المجروحین‘‘[51] میں فرماتے ہیں: ’’يروي الأحاديث المناكير عن أقوام مشاهير، لا يجوز الاحتجاج بخبره، لكثرة المناكير في أخباره‘‘. صبَّاح بن سہل مشہور لوگوں سے مناکیر نقل کرتا تھا، اس کی روایت سےاحتجاج کرنا درست نہیں ہے، کیونکہ ان کی روایات میں مناکیر کی کثرت ہے۔

حافظ ابو احمد حاكمl ’’الأسامي‘‘[52] میں فرماتے ہیں: ’’ ليس بالقوي عندهم‘‘. صبَّاح بن سہل محدثین کے نزدیک قوی نہیں ہے۔ 

حافظ دارقطنیl نے صبَّاح بن سہل کو ’’ضعيف‘‘  کہاہے[53]۔

حافظ ذہبی l نے صبّاح بن سہل کو ’’تلخيص الموضوعات‘‘[54] میں ’’واه‘‘، ’’ المقتنى‘‘[55] میں ’’ ليس بالقوي‘‘ اور ’’ديوان الضعفاء‘‘[56] میں ’’ضعفوه‘‘  کہا ہے۔