ابو بکر احمد بن نصر بن عبد اللہ بن فتح ذراع نہروانی

حافظ دراقطنیl فرماتے ہیں :’’كذاب، دجال‘‘[10].یہ کذاب، دجال ہے۔

حافظ ابن جوزیl ’’الموضوعات‘‘^[11] میں ایک حدیث کے تحت ذراع کے بارے میں فرماتے ہیں :’’ كان كذابا، يضع الحديث‘‘.وہ جھوٹا ہے، حدیث گھڑتا تھا۔

حافظ خطیب بغدادیl ’’تاريخ بغداد‘‘^[12] میں فرماتے ہیں: ’’وفي حديثه نكرة تدل على أنه ليس بثقة‘‘. اس کی حدیث میں نکارت ہے جو اس بات پر دلالت کرتی ہے کہ یہ ثقہ نہیں ہے۔

نیز حافظ خطیب بغدادیl نے ’’تاريخ بغداد‘‘^[13] میں ایک دوسرے مقام پر احمد بن عبد اللہ کو ’’غير ثقة‘‘ کہا ہے۔

حافظ ذہبیl’’ميزان الاعتدال‘‘^[14] میں فرماتے ہیں: ’’فأتى بمناكير تدل على أنه ليس بثقة‘‘. یہ ایسی مناکیر لاتا ہے جو اس پر دلالت کرتی ہیں کہ یہ ثقہ نہیں ہے۔

نیز حافظ ذہبیl ’’المغني‘‘[15] میں فرماتے ہیں:’’وضاع مفتر‘‘. یہ  روایات گھڑنے والااور افتراء باز ہے۔

حافظ ذہبیl’’تاريخ الإسلام‘‘[16] میں فرماتے ہیں:’’وهو متهم، يأتي بالطامات، فليحذر منه‘‘. متہم ہے، طامات لاتا ہے، اس سے بچو۔

نیز حافظ ذہبیl نے ایک مقام پر اسے ’’ كذاب، وضاع، دُجَيْجِيْل‘‘ کہا ہے[17]۔

حافظ ابن ناصر الدین دمشقیl ’’توضيح المشتبة‘‘[18] میں فرماتے ہیں:’’روى عن الحارث بن أبي أسامة وطبقته أباطيل‘‘. یہ حارث بن ابی اسامہ اور ان کے طبقہ کے روات کے انتساب سے باطل روایات نقل کرتا ہے۔

حافظ ابن حجر عسقلانیl ’’الإصابة‘‘[19] میں فرماتے ہیں:’’أحد الكذابين‘‘. جھوٹوں میں سے ایک جھوٹا ہے۔

علامہ سبط ابن عجمی l نے ’’الكشف الحثيث‘‘[20] میں احمد بن نصر کو متہم بالوضع راویوں میں شمار کرکے مختلف ائمہ کے اقوال نقل کئے ہیں۔

علامہ ابن عراقl ’’تنزيه الشريعة‘‘[21] میں احمد بن نصر ذراع کو وضاعین ومتہمین کی فہرست میں شمار کرکے فرماتے ہیں: ’’قال الدارقطني: دجال‘‘. دار قطنی l فرماتے ہیں کہ یہ دجال ہے۔