ابو المعلی ویقال ابو سلیمان فرات بن سائب جزری

حافظ یحیی بن معینlنے فرات بن سائب کو ’’ ليس بشيء‘‘[12] کہا ہے۔

امام احمد بن حنبل l فرماتے ہیں : ’’الفرات بن السائب قريب من محمد بن زياد الطحان في ميمون، يتهم بما يتهم ذاك‘‘[13].فرات بن سائب، میمون سے نقل کرنے میں محمد بن زیاد طحان کے قریب قریب ہے، یہ فرات ان چیزوں میں متہم ہے جن چیزوں میں محمد بن زیاد متہم ہے۔

علامہ سبط ابن العجمی l ’’الكشف الخثيث‘‘[14]میں امام احمد بن حنبل l کے قول کو نقل کرنے کے بعد لکھتے ہیں : ’’فمراد أحمد، والله أعلم بقوله: يتهم بما يتهم به ذاك، أي: بالوضع‘‘.احمد l کی مراد یہ ہے کہ یہ فرات محمد بن زیاد کی طرح حدیث گھڑنے میں متہم ہے۔

امام بخاریl ’’ التاريخ الكبير‘‘[15] میں فرماتے ہیں: ’’ تركوه، منكر الحديث‘‘. محدثین نے اسے ترک کر دیا تھا،یہ منکر الحدیث ہے۔

نیز امام بخاریl ’’التاريخ الصغير‘‘[16] میں فرماتے ہیں:  ’’سكتوا عنه‘‘.

حافظ ابو نعیمlنے’’المسند المستخرج‘‘ [17]میں اور حافظ ذہبیl نے ’’المغني‘‘[18] میں امام بخاری l کے کلام پر اکتفاء کیا ہے۔

حافظ ابراہیم بن یعقوب جوزجانی l نے ’’أحوال الرجال‘‘[19] میں اسے ’’ضعيف الحديث‘‘ کہا ہے۔

امام مسلم l  ’’الكنى‘‘[20] میں فرماتے ہیں:  ’’متروك الحديث‘‘.

حافظ ابو زرعہ lنے فرات کو ’’ضعيف الحديث‘‘ کہا ہے[21]۔

حافظ یعقوب بن سفیان فسویlنے’’المعرفة‘‘[22]میں فرات بن سائب کو ’’متروك مهجور‘‘قرار دیا ہے۔

اما م نسائی l نے فرات کو ’’متروك الحديث‘‘ کہا ہے[23]۔

حافظ ساجی l فرماتے ہیں: ’’ تركوه‘‘[24]. محدثین نے اسے ترک کر دیا تھا۔

حافظ ابو القاسم عبداللہ بن احمد بلخی l نے ’’قبول الأخبار‘‘[25] میں فرات بن سائب کو ’’ ليس بشيء‘‘ کہا ہے۔

حافظ ابو حاتمlنے فرات بن سائب کو’’ضعيف الحديث، منكر الحديث‘‘  کہا ہے[26]۔

حافظ ابن حبانl ’’الثقات‘‘[27]میں فرات بن سلمان کے ترجمہ میں فرماتے ہیں: ’’وليس هذا بفرات بن السائب الجزري، ذاك واه، ضعيف‘‘. اور یہ فرات بن سلمان ہے فرات بن سائب نہیں ہے، فرات بن سائب جزری ’’واہی، ضعیف‘‘ ہے۔

حافظ ابن حبانl’’المجروحین‘‘[28]میں فرماتے ہیں:’’ كان ممن يروي الموضوعات عن الأثبات، ويأتي بالمعضلات عن الثقات، لا يجوز الاحتجاج به، ولا الرواية عنه، ولا كتابة حديثه إلا على سبيل الاختبار‘‘. یہ ان لوگوں میں سے ہے جو ثقہ راویوں کے انتساب سے من گھڑت روایات نقل کرتے ہیں، اور ثقہ راویوں کے انتساب سے معضل روایات لاتے ہیں، اس سے نہ تو احتجاج جائز ہے اور نہ ہی اس سے روایت لینا جائز ہے، اور نہ ہی اس کی حدیث کی کتابت جائز ہے تا ہم اختبار کے طور پر ایسا کرسکتے ہیں۔

حافظ ابن عدی l’’الكامل‘‘[29]میں فرماتے ہیں: ’’ولفرات بن السائب غير ما ذكرت من الحديث، خاصة أحاديثه عن ميمون بن مهران مناكير‘‘. فرات بن سائب کی اس کے علاوہ بھی احادیث ہیں، خصوصاً ان کی میمون بن مہران سے منقول احادیث منکر ہیں۔

حافظ ابو احمد حاکم lنے فرات کو ’’ذاهب الحديث‘‘ کہا ہے[30]۔

حافظ دار قطنی lنے فرات کو ’’متروك الحديث‘‘ کہا ہے[31]۔

امام ابو عبد اللہ حاکم نیشا پوریl ’’المدخل‘‘[32] میں فرماتے ہیں: ’’حدث عن ميمون بن مهران أحاديث موضوعة‘‘.فرات بن سائب نے میمون بن مہران کے انتساب سے من گھڑت احادیث بیان کی ہیں۔

امام بیہقی l ’’السنن الكبرى‘‘[33] میں ایک روایت کے تحت فرماتے ہیں: ’’وفرات بن السائب تركوه‘‘. فرات بن سائب کو محدثین نے ترک کر دیا تھا۔

حافظ ذہبی l ’’تلخيص المستدرك‘‘[34] میں فرماتے ہیں: ’’تركوه‘‘. محدثین نے اسے ترک کردیا ہے۔

حافظ ابن حجر l نے فرات کو ’’واه‘‘ کہا ہے[35]۔