روزِ محشر باری تعالیٰ کا ارشاد ہوگا کہ کون ہےجو حساب دے ؟حضرت صدیق اکبرr کےسامنے آنے پر اللہ کا غصہ ٹھنڈاہوجائے گا

یہ روایت انہی الفاظ سے ہمیں سنداً نہیں مل سکی ،البتہ علامہ ابوبکر بن محمد علی قرشی نے ’’أنیس الواعظین‘‘ میں اس روایت سے ملتے جلتے مضمون پر مشتمل ایک طویل روایت قیامت کے احوال بیان کرتے ہوئے ذکرکی ہے ،جسے ذیل میں مختصراً ذکر کیا جاتا ہے:

’’حضرت سرورعالم ﷺ نے فرمایاہے کہ قیامت میں جب ندا ہوگی میرے بندو! جوکچھ تم نے دنیا میں کیا ہے اس کا حساب دو تو یہ سن کرتمام میدان والوں پر لرزہ طاری ہوگا،سب لوگ آدم e کی خدمت میں حاضر ہو کر عرض کریں گے ۔۔۔۔۔ [آپ ﷺ سے اللہ تعالیٰ فرمائیں گے]تم جس کو چاہو حساب کے لئے آگے بھیجو ،آپ پس پشت لوگوں کو دیکھیں گے کہ ہرشخص چھپ رہا ہے، اس وقت آپ دستِ مبارک دراز کرکے حضرت صدیق اکبر r کوپکڑ کے حساب گاہ میں کھینچیں گے ،حضرت صدیق اکبرr کہیں گے آپ پہلے مجھے نہ لے جائیں، کیونکہ میں آخر عمر مسلمان ہواہوں اوراس درگاہ کے لائق نہیں ہوں، میں نےکوئی کام پسندیدہ نہیں کیا ہے،پہلے آپ اسے پیش کریں جوعبادت میں سب سے زائد ہو ۔

اہل قیامت میں یہ سن کر ایک شور گریہ وزاری کا برپاہوگا ،آپ فرمائیں گے:اے صدیق !انبیاء کے بعد تم سب سے افضل ہو ،میں دوسرےکو کیوں کرلے جاؤں؟ حکم الٰہی ہوگا اے میرے محبوب! تم پہلے ایسے شخص کولائے ہو جس کے سفید بالوں سے مجھے شرم آتی ہے،حضرت صدیق r سجدے میں گرپڑیں گے ،حکم ہوگا اے ہمارے خلیل کے یارِ غار! اے ہمارے حبیب کے محب غمگسار !سجدے سے سر اٹھاؤ او رہمارے سوال کا جواب دو، دنیا میں تم نے کیا کیا ؟کون سی عبادت کی ؟کیا طاعت لائےہو؟حضرت صدیق ہیبتِ الٰہی سے تھرّا کر خاموش رہیں گے، مکرّر استفسار پرعرض کریں گے :سوال اعمال سے ہے اور میں بندہ ضعیف بیکار تھا ،حکم ہوگا تم ہمارے سامنے مفلس ہوکرآئے ہو،پس ہم تمہاری عبادت کو فرشتوں کی طاعت پر فضل دیتے ہیں ،تم کو ہم نےبخش دیا، جنت میں جاؤ ۔۔۔‘‘[1] ۔