روایت: ’’روز قیامت مساجد کا سفید بختی اونٹوں کی شکل میں آنا، جسے موذنین آگے سے اور ائمہ پیچھے سے چلارہے ہوں گے، جس پر یہ لوگ قیامت کے تمام مراحل سے گزر جائیں گے، اور کہا جائے گا یہ امت محمدیہ s ﷺ کے وہ افراد ہیں جو باجماعت نماز کی حفاظت کرتے تھے‘‘۔

زیر بحث روایت فقیہ ابو اللیث سمر قندی l رحمہ اللہ  نے ’’ تنبيه الغافلين‘‘[1] میں بلا سند ان الفاظ سے ذکر کی ہے:

’’وعن أنس رضي الله تعالى عنه، عن رسول الله صلى الله عليه وسلم أنه قال: يحشر الله المساجد كأنها بخت بيض، قوائمها من العنبر، وأعناقها من الزعفران، ورؤوسها من المسك الأذفر، وأزمتها من الزبرجد الأخضر، وقوادها المؤذنون يقودونها، والأئمة يسوقونها، فيعبرون بها في عرصات القيامة كالبرق الخاطف، فيقول أهل القيامة: هؤلاء الملائكة المقربون والأنبياء المرسلون، فينادونهم: يا أهل القيامة! ما هؤلاء الملائكة المقربون والأنبياء والمرسلون، قالوا: هم من أمة محمد صلى الله عليه وسلم الذين كانوا يحفظون صلاة الجماعة‘‘.

انس r رضی اللہ عنہ  سے روایت ہے کہ رسول اللہ s ﷺ  نے فرمایا: اللہ تعالی محشر میں مساجد کو لائیں گے،گو یا کہ وہ سفید بختی اونٹ ہیں، جن کے پاؤں عنبر کے، گردن زعفران کی، سر تیز مشک، اور لگام سبز زبر جرد کی ہوگی، اور موذنین ان کو آگے سے، اور ائمہ پیچھے سے چلارہے ہوں گے، یہ لوگ قیامت کے میدانوں کو ان اونٹوں پر بجلی کی کڑک کی طرح پار کرلیں گے، قیامت والے کہیں گے: یہ مقرب فرشتے اور مرسل انبیاء ہیں، چنانچہ کہنے والے باآواز بلند کہیں گے: اے قیامت والو! یہ مقرب فرشتے اور مرسل انبیاء نہیں ہیں، وہ مزید کہیں گے: یہ  امت محمد s ﷺ  کے وہ افراد ہیں جو باجماعت نماز کی حفاظت کرتے تھے۔

تلاش بسیار کے باوجودیہ روایت سنداً تاحال ہمیں کہیں نہیں مل سکی، اور جب تک اس کی کوئی معتبر سند نہ ملے اسے آپ ﷺ کے انتساب سے بیان کرنا موقوف رکھا جائے، کیونکہ آپﷺ کی جانب صرف ایساکلام اور واقعہ ہی منسوب کیا جاسکتا ہے جومعتبر سند سے ثابت ہو،واللہ اعلم ۔