محمد بن عمر بن صالح کلاعی

حافظ ابن حبانl ’’المجروحين‘‘[11] میں لکھتے ہیں: ’’شيخ، يروي عن أهل البصرة، منكر الحديث جدا، روى عنه سويد بن سعيد الأنباري، استحق ترك الاحتجاج بحديثه إذا انفرد‘‘.

یہ شیخ ہے، اہل بصرہ سے روایت کرتا ہے، منکر الحدیث ہیں، اس سے سوید بن سعید انباری روایت کرتا ہے، جب یہ کسی حدیث میں متفرد ہو تو اس کی حدیث سے احتجاج ترک کئے جانے کا استحقاق ہوجاتا ہے۔

اس کے بعد حافظ ابن حبانl نے زیر بحث روایت تعلیقاً درج کی ہے۔

حافظ ابن حبانl کے کلام پر حافظ ذہبیl نے ’’ميزان الاعتدال‘‘[12] میں اعتماد کیا ہے، نیز بذاتِ خود حافظ ذہبی l نے ’’دیوان الضعفاء‘‘[13] میں محمد بن عمر کلاعی کو ’’منکر الحدیث‘‘ کہا ہے۔

حافظ ابن عدیl نے ’’الكامل‘‘[14] میں محمد بن عمر کلاعی کو ’’منکر الحدیث عن ثقات الناس‘‘ فرما کر یہ روایت تخریج کی ہے، پھر فرماتے ہیں:

’’محمد بن عمر ليس بذاك المعروف، إنما ذكرته لشرطي في أول الكتاب مهما أنكرته من حديث فإني أذكره في كتابي وأبين حاله ولم نجد للمتقدمين فيه كلاما على أنهم قد تكلموا فيمن هو خير منه إلا أنهم لم يبلغهم حاله لأن محمد بن عمر هذا ليس بذاك المعروف‘‘.

محمد بن عمر ’’ليس بذاك المعروف‘‘ہے،جب میں نے ان کی احادیث میں منکر احادیث حدیثیں پائیں تو اسے یہاں ذکر کردیا، کیونکہ میں کتاب کے شروع میں بتاچکا ہوں کہ میں اپنی اس کتاب میں ایسے راویوں کو ذکر کروں گا اور ان کا حال بیان کروں گا، اور ہمیں ان کے بارے میں متقدمین کا کلام نہیں ملا، باوجودیکہ وہ ان سے بہتر لوگوں کے بارے میں بھی کلام کرتے ہیں، ہاں بات یہ ہوگی کہ اُن کو ا ِن کی حالت کے بارے میں بات نہیں پہنچی ہوئی ہوگی، کیونکہ محمد بن عمر ’’ليس بذاك المعروف‘‘ہے۔

حافظ ابن عدیl کے کلام’’منکر الحدیث عن الثقات‘‘پر حافظ مقدسیl نے ’’ذخيرة الحفاظ‘‘[15] میں اکتفاء کیا ہے۔

علامہ ابن عراق l ’’تنزيه الشريعة‘‘[16] میں محمد بن عمر کلاعی کو وضاعین ومتہمین کی فہرست میں شمار کرکے لکھتے ہیں: ’’روى عن الحسن و قتادة حديثا موضوعا‘‘. حسن اور قتادہ سے من گھڑت حدیث روایت کرتا ہے۔