ابو معاذ عبد اللہ بن ضرار بن عمرو رحبی مَلَطِی

حافظ یحیی بن معین l فرماتے ہیں: ’’ليس بشيء، ولا يكتب حديثه‘‘[9]. یہ لیس بشیء ہے،  اس کی حدیث نہیں لکھی جائے گی۔

حافظ ذہبی l نے ’’ميزان‘‘[10]، ’’ديوان‘‘[11] اور ’’المغني‘‘[12] میں حافظ یحیی بن معین l کے قول پر اعتماد کیا ہے۔

حافظ ابن حبانl ’’الثقات‘‘[13] میں فرماتے ہیں: ’’عبد الله بن ضرار بن عمرو المَلَطِي يروي عن أبيه،,وأبوه ضعيف، روى عنه النضر  بن يزيد، يروي أبوه عن الزهري‘‘. عبد اللہ بن ضرار بن عمرو مَلَطِی اپنے والد سے روایت کرتا ہے، اور اس کا والد ضعیف ہے، اور نضر بن یزید نے اس سے روایت کی ہے، اس کا والد زہری سے روایت کرتا ہے۔

نیز حافظ ابن حبان l ’’المجروحین‘‘[14] میں حماد بن عمرو نصیبی کے ترجمہ میں ایک روایت کے تحت فرماتے ہیں: ’’وهذا حديث باطل، لا أصل له، وفي إسناده أربعة ضعفاء: عبد الله بن ضرار وأبوه وحماد بن عمرو ويزيد الرقاشي‘‘.  یہ باطل حدیث ہے، بے اصل ہے، اور اس کی سند میں چار ضعفاء ہیں: عبد اللہ بن ضرار، اس کا والد، حماد بن عمرو، اور یزید رقاشی۔

حافظابن عدیl ’’الكامل‘‘[15]میں عبد اللہ بن ضرار کے ترجمہ میں زیر بحث روایت نقل کرنے کے بعد فرماتے ہیں: ’’ولعبد الله بن ضرار غير ما ذكرت من الروايات قليل، ومقدار ما يرويه لا يتابع عليه‘‘. میری ذکر کردہ روایات کے علاوہ عبد اللہ بن ضرار کی دیگر روایات کم ہیں، اور اس کی روایت کردہ اس مقدار میں اس کی متابعت نہیں کی جاتی۔

حافظ دار قطنیl ’’الضعفاء‘‘[16] میں فرماتے ہیں: ’’ضرار بن عمرو ببغداد والبصرة، عن يزيد الرقاشي، يروي عنه ابناه عبيد الله وعبد الله ضعيفان‘‘. ضرار بن عمرو بغداد اور بصرہ جو یزید رقاشی سے نقل کرتا ہے، اور اس سے اس کے دونوں بیٹے عبد اللہ اور عبید اللہ نقل کرتے ہیں، یہ دونوں ضعیف ہیں۔

حافظ ابن قیسرانی l نے ’’ذخيرة الحفاظ‘‘[17] میں زیر بحث روایت کے تحت عبد اللہ بن ضرار کو ’’ لا شيء في الحديث‘‘ کہا ہے۔