ابو محمد حکم بن ظُہَیْر ویقال حکم بن ابی خالد فزاری کوفی

امام بخاری l ’’التاريخ الكبير‘‘[5] میں فرماتے ہیں: ’’منكر الحديث‘‘. منکر الحدیث ہے۔

اور ’’الضعفاء الصغير‘‘ میں فرماتے ہیں: ’’تركوه، منكر الحديث‘‘[6]. محدثین نے اسے ترک کردیا، منکر الحدیث ہے۔

امام مسلم l فرماتے ہیں: ’’متروك الحديث‘‘[7].

امام ابو داؤد l فرماتے ہیں: ’’ لايكتب حديثه‘‘[8]. اس کی حدیث نہ لکھی جائے۔

امام نسائی l فرماتے ہیں: ’’متروک الحدیث‘‘[9].

حافظ ابراہیم بن یعقوب جوزجانی l فرماتے ہیں: ’’ساقط‘‘[10].

حافظ یحیی بن معین l فرماتے ہیں: ’’ليس حديثه بشيء‘‘[11].

حافظ یحیی بن معین l ایک دوسرے مقام پر فرماتے ہیں: ’’ كذاب‘‘[12].

حافظ ابو حاتم l فرماتے ہیں: ’’متروك الحديث، لا يكتب حديثه‘‘[13].  متروک الحدیث ہے، اس کی حدیث نہ لکھی جائے۔

حافظ ابو زرعہ l فرماتے ہیں: ’’واهي الحديث‘‘[14].

حافظ خطیب بغدادی l فرماتے ہیں: ’’الحكم بن ظُهَيْر ذاهب الحديث‘‘[15]. حکم بن ظُہَیْر ذاہب الحدیث ہے۔

حافظ ابن حبان l فرماتے ہیں: ’’ كان يشتم أصحاب محمد صلى الله عليه وسلم، يروي عن الثقات الأشياء الموضوعات‘‘[16]. محمد ﷺ کے صحابہ کو گالیاں دیتا تھا، ثقہ لوگوں کے انتساب سے من گھڑت اشیاء نقل کرتا تھا۔

حافظ ابن عدی l فرماتے ہیں: ’’وللحكم غير ما ذكرنا من الحديث، وعامة أحاديثه غير محفوظة‘‘[17]. اور حکم کی ہماری ذکر کردہ احادیث کے علاوہ بھی احادیث ہیں، اور اکثر اس کی احادیث غیر محفوظ ہیں۔

حافظ ابو الحسن علی بن حسین بن جنید l فرماتے ہیں: ’’رأيت ابن أبي شيبة: لا يرضى الحكم بن ظُهَيْر، ولم يدخله في تصنيفه‘‘[18]. میں نے ابن ابی شیبہ l کو دیکھاکہ وہ حکم بن ظُہَیْر سے راضی نہیں تھے، اور انہوں نے اسے اپنی تصانیف میں ذکر نہیں کیا۔

حافظ ابو علی صالح بن محمد جزرہ l فرماتے ہیں: ’’ كان يضع الحديث‘‘[19]. یہ حدیث گھڑتا تھا۔

حافظ ساجی l فرماتے ہیں: ’’منكر الحديث، وفي موضع آخر: عنده مناكير، وكان الثوري يأمر بكتابة التفسير عنه‘‘[20]. منکر الحدیث ہے، اور ایک دوسری جگہ پر فرماتے ہیں: اس کے پاس مناکیر ہیں، اور ثوری l ان سے تفسیر لکھنے کا حکم فرماتے تھے۔

حافظ ابو احمد حاکم l فرماتے ہیں: ’’ليس بالقوي عندهم‘‘[21]. یہ محدثین کے نزدیک قوی نہیں ہے۔

حافظ ذہبی l نے حکم بن ظُہَیْر کو ’’واه‘‘[22] کہا ہے۔

حافظ ابن حجر عسقلانی l ’’تقريب التهذيب‘‘[23] میں فرماتے ہیں: ’’متروك، رمي بالرفض، واتهمه ابن معين‘‘. متروک ہے، یہ رفض میں متہم ہے، ابن معین l نے اسے متہم قرار دیا ہے۔

علامہ ابن عراق l نے ’’تنزيه الشريعة‘‘[24] میں حکم بن ظُہَیْر کو وضاعین ومتہمین کی فہرست میں شمار کیا ہے۔