ابو عمرو عثمان بن عبد اللہ بن عمرو قرشی اموی نصیبی

حافظ ابن حبان  ’’المجروحين‘‘[11] میں لکھتے ہیں:

 ’’شيخ قدم خراسان فحدثهم بها، يروي عن الليث بن سعد ومالك وابن لهيعة، ويضع عليهم الحديث، كتب عنه أصحاب الرأي، لا يحل كتابة حديثه إلا على سبيل الاعتبار‘‘.

یہ شیخ خراسان آیا تھا، وہاں لوگوں کو حدیثیں بیان کرتا تھا، لیث بن سعد، مالک اور ابن لہیعہ سے روایت کرتا تھا، اور ان پر حدیثیں گھڑتا تھا، اس کی اصحاب الرائے نے حدیثیں لکھی ہیں، اس کی حدیثیں لکھنا حلال نہیں ہے سوائے اعتبار کے۔

حافظ ابن عدی l  ’’الكامل‘‘[12] میں عثمان نصیبی کی احادیث تخریج کرنے کے بعد فرماتے ہیں:  ’’وهذه الأحاديث، عن ابن لهيعة التي ذكرتها لا يرويها غير عثمان بن عبد الله هذا، ولعثمان غير ما ذكرت من الأحاديث، أحاديث موضوعات‘‘.

ابن لہیعہ کی جو احادیث میں نے ذکر کی ہیں اس کا راوی سوائے عثمان بن عبد اللہ کے اور کوئی نہیں ہے، نیز عثمان کی میری ذکر کردہ احادیث کے علاوہ اور بھی من گھڑت احادیث ہیں۔

حافظ خطیب بغدادی l  ’’تاريخ بغداد‘‘[13] میں فرماتے ہیں:  ’’وكان ضعيفا، والغالب على حديثه المناكير‘‘. یہ ضعیف تھا، اور اس  کی احادیث میں مناکیر غالب ہیں۔

امام ابو عبد اللہ حاکم نیشاپوری l فرماتے ہیں:  ’’عثمان بن عبد الله القرشي الذي يروي عن مالك، كذاب، يكنى أبا عمرو، قدم خراسان بعد الثلاثين والمائتين، فحدث عن مالك، والليث بن سعد، وابن لهيعة، والحمادين، وغيرهم بأحاديث، أكثرها موضوعة‘‘[14] .

عثمان بن عبد اللہ قرشی جو مالک سے روایت نقل کرتا ہے، کذاب ہے، اس کی کنیت ابو عمرو ہے، یہ 230ھ کے بعد خراسان آیا تھا، جہاں اس نے مالک، لیث بن سعد، ابن لہیعہ، اور حمادین وغیرہ کے انتساب سے حدیثیں نقل کی ہیں، جن میں اکثر من گھڑت ہیں۔

حافظ دار قطنی l فرماتے ہیں:  ’’متروك الحديث‘‘[15] .یہ متروک الحدیث ہے۔

حافظ دار قطنی l ہی ایک دوسرے مقام پر لکھتے ہیں:  ’’يضع الأباطيل على الشيوخ الثقات‘‘[16] .یہ ثقہ شیوخ کے انتساب سے باطل احادیث گھڑتا تھا۔

حافظ جوزجانی l  ’’الأباطيل والمناكير‘‘[17] میں لکھتے ہیں:  ’’هذا كذاب‘‘. یہ جھوٹا ہے۔

حافظ ابو نعیم اصبہانی l  ’’الضعفاء‘‘[18] میں لکھتے ہیں:  ’’يروي عن مالك، والليث، وابن لهيعة، ورشدين، وحماد بن سلمة بالمناكير‘‘. یہ مالک، لیث، ابن لہیعہ، رشدین اور حماد سے مناکیر نقل کرتا تھا۔

حافظ ذہبی l  ’’المغني في الضعفاء‘‘[19] میں فرماتے ہیں:  ’’متهم‘‘. یہ متہم ہے۔