ابو عمرو عثمان بن خطاب بن عبد اللہ بن عوام اشج بَلَوی مغربی المعروف بابی الدنیا

حافظ خطیب بغدادی l ’’تاريخ بغداد‘‘[7] میں فرماتے ہیں: ’’والعلماء من أهل النقل لا يثبتون قوله، ولا يحتجون بحديثه‘‘. علماء اہل نقل اس کے قول کو ثابت قرار نہیں دیتے، اور اس کی حدیث سے احتجاج نہیں کرتے۔

حافظ ابن العدیم l ’’بغية الطلب‘‘[8] میں ابو الدنیا کے بارے میں فرماتے ہیں: ’’ذكر أنه لقي علي بن أبي طالب رضي الله عنه بصفين، وله نسخة يرويها عنه، لا يعتمد على روايته‘‘. ذکر کیا جاتا ہے کہ یہ علی بن ابی طالب رضی اللہ عنہ سے صفین میں ملا ہے، اور اس کا ایک نسخہ بھی ہے جسے یہ علی r سے روایت کرتا ہے، اس کی روایت پر اعتماد نہیں کیا جاتا۔

حافظ ابن عبدالہادی دمشقیl نے ’’طبقات علماء الحدیث‘‘[9] میں ابو الدنیا کو ’’ كذاب‘‘ کہا ہے۔

حافظ ذہبی l ’’تاريخ الإسلام‘‘[10] میں ابو الدنیا کے بارے میں فرماتے ہیں: ’’ليس بثقة، والله! ولا صادق‘‘. اللہ کی قسم! ثقہ نہیں ہے، اور نہ ہی سچا ہے۔

حافظ ذہبی l ’’ميزان الاعتدال‘‘[11] میں تحریر فرماتے ہیں: ’’طير طرأ على أهل بغداد، وحدث بقلة حياء بعد الثلثمائة عن علي بن أبي طالب، فافتضح بذلك، وكذبه النقاد ‘‘. پرندہ ہے جو اڑکر اہل بغداد کے پاس آیا ہے، اور حیاء کی کمی کی وجہ سے تین سو ہجری کے بعد علی بن ابی طالب r کے حوالہ سے حدیث بیان کرتا تھا، سو اس وجہ سے رسوا ہوگیا، اور ناقدین نے اسے جھوٹا قرار دیا ہے۔

حافظ ذہبی l نے ابو الدنیا کو ’’المقتنى‘‘[12] اور ’’تذكرة الحفاظ‘‘[13] میں ’’ كذاب‘‘، ’’ميزان‘‘[14] میں ’’ كذاب، طرقي‘‘، ’’المغني‘‘[15] میں ’’ كذاب، دجال‘‘، اور ’’ديوان‘‘[16] میں ’’ أقل من كذاب‘‘ کہا ہے۔

علامہ صلاح الدین صفدی l نے ’’الوافي‘‘[17] میں اشج ابو الدنیا کو ’’ليس بثقة، ولا صدوق‘‘ کہا ہے۔

حافظ ابن حجر عسقلانی l ’’نزهة الألباب‘‘[18] میں ابو الدنیا کے بارے میں فرماتے ہیں: ’’ كذبوه‘‘. محدثین نے اسے کذاب کہا ہے۔

علامہ عز الدین ابن الوزیر ’’العواصم‘‘[19] میں اشج ابو الدنیا کے بارے میں فرماتے ہیں: ’’المشهور بالكذب على أمير المؤمنين، فإنه ادعى بعد ثلاث مئة سنة أنه من أصحابه‘‘. امیر المؤمنین پر جھوٹ بولنے میں مشہور ہے، اس لئے کہ اس نے تین سو سال کے بعد اس بات کا دعوی کیا کہ وہ امیر المؤمنین کے اصحاب میں سے ہے۔

علامہ ابن عراق l نے ’’تنزيه الشريعة‘‘[20] میں ابو الدنیا مغربی کو وضاعین ومتہمین کی فہرست میں شمار کرکے ’’ أقل من كذاب‘‘ کہا ہے۔