ابو عبد اللہ اسماعیل بن رجاء حِصْنِی رَقِّی جزری مولی مسلمہ بن عبد الملک

حافظ ابو حاتم l نے اسماعیل بن رجاء کو ’’صدوق‘‘[20] کہا ہے۔

واضح رہے کہ زیر بحث روایت بطریق اسماعیل بن رجاء کو حافظ ابو حاتم l ہی ’’باطل‘‘ فرما چکے ہیں۔

حافظ ابن حبان l ’’المجروحين‘‘[21]میں اسماعیل بن رجاء کے ترجمہ میں فرماتے ہیں: ’’منكر الحديث، يأتي عن الثقات ما لا يشبه حديث الأثبات‘‘. یہ منکر الحدیث ہے، یہ ثقات کے انتساب سے ایسی حدیث لاتا ہے جو اثبات کی حدیث کے مشابہہ نہیں ہوتی۔

اس کے بعد حافظ ابن حبان l نے زیر بحث روایت تخریج کرکے اسے ’’باطل‘‘ کہا ہے۔

حافظ ابو بکر حازمیl نے ’’الفيصل‘‘[22] میں، حافظ ابن جوزی l نے ’’الموضوعات‘‘[23] میں، حافظ سمعانی l نے ’’الأنساب‘‘[24] میں، علامہ شہاب الدین ابو عبد اللہ یاقوت بن عبدا للہ حموی l نے ’’معجم البلدان‘‘[25] میں اور حافظ ابن حجر عسقلانیl نے ’’لسان‘‘[26] میں حافظ ابن حبان l کے کلام پر اعتماد کیا ہے۔

علامہ جعفر بن محمد بن حجاج قطان رقی l نے زیر بحث روایت تخریج کرتے ہوئے اسماعیل بن رجاء کو ’’ثقة‘‘ کہا ہے[27]۔

حافظ سمعانی l نے ’’الأنساب‘‘[28] میں علامہ جعفر بن محمد بن حجاج قطان رقی l کا مذکورہ قول نقل کیا، اور اس کے ساتھ ساتھ حافظ ابن حبان l کا اسے ’’باطل‘‘ کہنا بھی ذکر کیا، پھر فرماتے ہیں: ’’والحق مع أبى حاتم بن حبان‘‘. حق ابو حاتم ابن حبان l کے ساتھ ہے۔

حافظ زکریا ساجی l نے اسماعیل بن رجاء کو ’’منكر الحديث‘‘ کہا ہے[29]۔

حافظ ابن عدی l ’’الكامل‘‘[30] میں ابو معاذ بلخی کے ترجمہ میں فرماتے ہیں: ’’وأبو معاذ له أحاديث شبه الموضوعة، فلا أدري هو من قبله، أو من قبل الراوي عنه، ومثل تلك الرواية التي يرويها هو توجب أن يكون ضعيفا‘‘. اس ابو معاذ کی احادیث ’’شبہ الموضوعات‘‘ ہیں، معلوم نہیں کہ یہ اس کی جانب سے ہیں، یا اس سے نقل کرنے والے راوی (یعنی اسماعیل بن رجاء حصنی) کی جانب سے ہیں، اور جو احادیث اس نے روایت کی ہیں ان جیسی احادیث، اس کے ضعیف ہونے کا موجب ہیں۔

حافظ دارقطنیl نے اسماعیل بن رجاء کو ’’الضعفاء‘‘[31] میں نقل کرکے ’’ضعيف‘‘ کہا ہے۔

حافظ ابن قیسرانی l نے ’’المؤتلف‘‘[32] میں اسماعیل بن رجاء کو ’’منكر الحديث‘‘ کہا ہے۔

حافظ ابن حجر عسقلانیl ’’لسان‘‘[33] میں اسماعیل بن رجاء کے ترجمہ میں فرماتے ہیں: ’’وقال العجلي: كوفي ثقة، ووثقه الحاكم أيضا‘‘. اور عجلی l نے اسماعیل بن رجاء کو کوفی ثقہ کہا ہے، نیز حاکم l نے بھی اس کی توثیق کی ہے۔