ابو القاسم جویبر بن سعید بلخی ازدی

 امام بخاری l فرماتے ہیں کہ مجھ سے علی بن مدینی l نے کہا کہ  یحیی بن سعید قطان l فرماتے ہیں:  ’’ كنت أعرف جويبرا بحديثين يعني ثم أخرج هذه الأحاديث بعد، فضعفه‘‘[2] . میں جویبر کو دو حدیثوں سے پہچانتا ہوں، یعنی پھر اس کے بعد یحیی l نے اِن احادیث کی تخریج کی، (اور پھر انھوں نے) جویبر کی تضعیف کی۔

 علامہ عبد اللہ بن علی بن مدینی l فرماتے ہیں:  ’’وسألته يعني أباه عن جويبر بن سعيد، فضعفه جدا، قال: وسمعت أبي، يقول: جويبر أكثر على الضحاك، روى عنه أشياء مناكير‘‘[3]. میں نے اپنے والد علی بن مدینی l سے جویبر کے بارے میں پوچھا تو انھوں نے جویبر کو شدید ضعیف قرار دیا، نیز میں نے اپنے والد کو یہ بھی فرماتے ہوئے سنا کہ جویبر ضحاک سے کثرت سے نقل کرتا ہے، یہ ضحاک سے منکر خبریں نقل کرتا ہے۔

 امام احمد بن حنبلl فرماتے ہیں:  ’’جويبر ما كان عن الضحاك فهو على ذاك أيسر، وما كان يسند عن النبي صلى الله عليه وسلم فهي منكرة‘‘[4]. جویبر جو روایت ضحاک سےنقل کرے تو ان کا معاملہ آسان ہے، البتہ جو احادیث آپ ﷺ کے انتساب سے نقل کرے وہ منکر ہیں۔

اور ایک دوسرے مقام پر امام احمد بن حنبلl  فرماتے ہیں: ’’ لا تشتغل بحديثه‘‘[5]. اس کی حدیث میں مشغول نہ ہوں۔

 حافظ یحیی بن معینl فرماتے ہیں:  ’’جويبر ليس بشيء، ضعيف، ما أقربه من عبيدة الضبي ومحمد بن سالم وجابر الجعفي‘‘[6]. جویبر لیس بشیء، ضعیف ہے، یہ عبید، محمد بن سالم اور جابر جعفی کے کتنا ہی قریب ہے۔

 حافظ ابو زرعہ l اور حافظ ابو حاتم l نے جویبر بلخی کو  ’’ ليس بالقوي‘‘[7] کہا ہے۔

حافظ جوزجانی  l فرماتے ہیں:  ’’ لا يشتغل به‘‘[8]. اس  میں مشغول مت ہو۔

امام ابو عبد اللہ حاکم نیشاپوری l جویبر کے بارے میں لکھتے ہیں:  ’’أنا أبرأ إلى الله من عهدة جويبر‘‘[9]. میں جویبر کےذمہ سے اللہ کی پناہ میں آتا ہوں۔

 حافظ ابن حبان l فرماتے ہیں:  ’’يروي عن الضحاك أشياء مقلوبة‘‘[10]. یہ ضحاک سے مقلوب احادیث نقل کرتا ہے۔

 امام نسائی l فرماتے ہیں:  ’’متروك الحديث‘‘[11] .

اور ایک دوسرے مقام پر فرماتے ہیں:  ’’ليس بثقة‘‘[12] .

 امام دار قطنی l نے جویبر بلخی کو  ’’متروک الحدیث‘‘[13] کہا ہے۔

 علامہ ابو عبید آجری l فرماتے ہیں:  ’’سألت أبا داود، عن جويبر، والكلبي؟ فقدم جويبرا، وقال: جويبر على ضعفه، والكلبي متهم‘‘[14]. میں نے ابو داؤد l سے جویبر اور کلبی کے بارے میں پوچھا تو انہوں نے جویبر کو مقدم رکھتے ہوئے فرمایا: جویبر ضعف پر ہے، اور کلبی متہم ہے۔

حافظ ابن عدی l  فرماتے ہیں:  ’’والضعف على حديثه ورواياته بين‘‘[15]. اس کی حدیث اور اس کی روایات میں ضعف ایک واضح چیز ہے۔

 حافظ ذہبی l ’’الكاشف‘‘[16] میں جویبر کے متعلق لکھتے ہیں:  ’’ترکوه‘‘. محدثین نے اسے متروک قرار دیا ہے، حافظ ذہبی l  ہی ’’ديوان الضعفاء‘‘[17] میں فرماتے ہیں:  ’’متروك الحديث‘‘.

حافظ ابن حجر عسقلانی l  ’’تقريب التهذيب‘‘[18] میں فرماتے ہیں:  ’’ضعيف جدا‘‘ .