ابوہشام اصرم بن حوشب ہمذانی کندی خراسانی

حافظ یحیی بن معین l نےاصرم کو ’’ كذاب، خبيث‘‘کہا ہے[15]۔

عبد اللہ بن علی بن مدینی l فرماتے ہیں:’’سمعت أبي يقول: أصرم بن حوشب لقيناه بهمذان، ثم حدث بعدنا بعجائب، وضعفه جدا‘‘[16]. میں نے اپنے والد کو یہ کہتے ہوئے سنا: ہمذان میں ہماری اصرم بن حوشب سے ملاقات ہوئی، پھر ہمارے بعد اس نے عجائب بیان کئے، (علامہ عبد اللہ l فرماتے ہیں) اور میرے والد نے اصرم کو’’ضعیف جداً‘‘قرار دیا۔

نیز علامہ عبد اللہ بن علی بن مدینیl ہی فرماتے ہیں: ’’سمعت أبي يقول: كتبت عن أصرم بن حوشب أحاديث عن أبي سنان، فضربت على حديثه‘‘[17]. میں نے اپنے والد کو سناوہ فرمارہے تھے: میں نے اصرم سے ابو سنان کے طریق سے کئی احادیث لکھیں، پھر میں نے اس کی حدیث کو ترک کردیا۔

حافظ ابراہیم بن یعقوب جوزجانی l نے’’أحوال الرجال‘‘[18] میں اسے ’’ضعیف‘‘ کہا ہے۔

حافظ ابو المفضل صالح بن احمد ہمذانی lفرماتے ہیں: ’’سمعت أبا جعفر بن عبيد، يقول: بلغني أن رجلا من أهل خراسان احتاز، فقال لأصرم بن حوشب: أين كتبت عن نهشل؟ لعلك كتبت عنه في الهواء‘‘[19]. میں نے ابوجعفر بن عبید  lکو کہتے ہوئے سنا وہ فرمارہے تھے: مجھے یہ بات پہنچی ہے کہ اہل خراسان  میں سے ایک آدمی نے اصرم بن حوشب سے گزرتے ہوئے کہا : تو نے نہشل سے کہاں لکھا ہے، شاید تونے اس سے ہوا میں لکھا  ہے؟۔

حافظ ابو حفص عمرو بن علی فلاس l فرماتے ہیں: ’’وأصرم بن حوشب متروك الحديث، حدث بأحاديث مناكير، وكان يرى الإرجاء‘‘[20]. اصرم بن حوشب متروک الحدیث ہے، اس نے منکر احادیث بیان کی ہیں، اور ارجاء کا عقیدہ رکھتا تھا ۔

امام بخاریl نے اصرم کو ’’التاريخ الكبير‘‘[21]، ’’التاريخ الصغير‘‘[22]  اور ’’الضعفاء‘‘[23] میں ’’متروك الحديث‘‘ کہا ہے۔

حافظ عقیلی l نے ’’الضعفاء‘‘[24] میں امام بخاری l کےکلام پر اعتماد کیا ہے۔

امام مسلم l ’’الكنى‘‘[25] میں اسے ’’متروك الحديث‘‘کہا ہے۔

حافظ ابو حاتم l ، اصرم بن حوشب کے بارے میں فرماتے ہیں: ’’هو متروك الحديث، فإنه ذكر أ نه سمع من زياد بن سعد فأنكر عليه‘‘[26]. متروک الحدیث ہے، اصرم نے اپنے بارے میں بتایا کہ اس نے زیاد بن سعد سے سماعت کی ہے تو اس پر نکیر کی گئی۔

حافظ ابوبکر احمد بن ہارون بردیجی lنے ’’طبقات الأسماء‘‘[27] میں اسے ’’ضعيف‘‘ کہا ہے۔

امام نسائی l نے ’’الضعفاء‘‘[28] میں اصرم بن حوشب کو ’’متروك الحديث‘‘ کہا ہے۔

حافظ ابن حبان l ’’المجروحين‘‘[29] میں فرماتے ہیں: ’’ كان يضع الحديث على الثقات‘‘. یہ ثقہ لوگوں پر احادیث گھڑتا تھا۔

علامہ سبط ابن عجمی l نے ’’الكشف الحثيث‘‘[30] میں حافظ ابن حبان l کے کلام پراکتفاء کیا ہے۔

حافظ ابن عدی l ’’الكامل‘‘[31] میں اصرم بن حوشب کے ترجمہ میں  فرماتے ہیں: ’’وهو في عداد الضعفاء الذين يسرقون الحديث، وأصرم بن حوشب عامة رواياته غير محفوظة، وهو بين الضعف‘‘. اصرم کا شمار ان ضعفاء میں ہوتا ہے جو سرقۂ حدیث کرتے ہیں، اور اصرم بن حوشب کی اکثر  روایات غیر محفوظ ہیں، اور اس کا ضعف واضح ہے۔

  امام دارقطنیlنے ’’الضعفاء‘‘[32] میں اسے ’’منكر الحديث‘‘ کہا ہے۔

امام ابو عبد اللہ حاکم نیشاپوری l ’’المدخل‘‘[33] میں اصرم بن حوشب کے بارے میں فرماتے ہیں: ’’يروي عن زياد بن سعد وغيره الموضوعات‘‘. یہ زیاد بن سعد وغیرہ کے انتساب سے من گھڑت احادیث روایت کرتا ہے۔

حافظ ابو نعیم اصبہانی l نے اصرم بن حوشب کو ’’المسند المستخرج‘‘[34] میں ’’لا شيء‘‘ کہا ہے۔

حافظ ابویعلی خلیلیl ’’الإرشاد‘‘[35] میں فرماتے ہیں: ’’ويروي عن مالك وعن الثقات مناكير، روى عنه الأئمة، وذكروا ضعفه، وتركوه‘‘. یہ  مالک l اور دیگر ثقہ راویوں کے انتساب سے مناکیر روایت کرتا ہے، ائمہ نے اس سے روایت کیا ہے، اور انہوں نے اس کے ضعف کو ذکر کیا ہے، اور اسے ترک کیا ہے۔

حافظ خطیب بغدادی l’’تاريخ بغداد‘‘[36] میں فرماتے ہیں: ’’وقدم بغداد، وحدث بها، فكتب عنه أهلها، ثم بان لهم كذبه، فتركوا الرواية عنه إلا نفرا منهم‘‘. یہ بغداد آیا تھا،  وہاں احادیث بیان کیں ، اہل بغداد نے اس سے احادیث لکھیں، پھر ان کے سامنے اس کا جھوٹ واضح ہوگیا، تو انہوں نے اس سے روایت کو ترک کردیا سوائے چند لوگوں کے ۔

حافظ ابن قیسرانی l ’’تذكرة الحفاظ‘‘[37] میں ایک روایت کے تحت فرماتے ہیں: ’’وأصرم هذا كذاب،يضع الحديث‘‘.یہ اصرم کذاب ہے، حدیث گھڑتا ہے۔

حافظ مزی l ’’تهذيب الكمال‘‘[38] میں فرماتے ہیں: ’’وهو من الضعفاء المتروكين‘‘. یہ ضعفاء متروکین میں سے ہے۔

حافظ ذہبی l نے’’ميزان‘‘[39] میں محمد بن عبد المجید تمیمی مفلوج کے ترجمہ میں اسے ’’لیس بثقة‘‘کہا ہے،

حافظ ذہبی l ’’المغنى‘‘ [40] میں فرماتے ہیں :’’تركوه، واتهم‘‘.محدثین نے اسے ترک کردیا ہے،اور اسے متہم قرار دیا ہے۔

حافظ ذہبیl نے اصرم بن حوشب کو ’’میزان‘‘ [41] میں ’’هالك‘‘ اور ’’تاريخ الإسلام‘‘[42] میں ’’أحد المتروكين‘‘ کہا ہے۔

حافظ ابن حجر عسقلانی l نے ’’تلخيص الحبير‘‘[43] میں ’’متروك‘‘ کہا ہے۔

علامہ ابن عراقl ’’تنزيه الشريعة‘‘[44] میں اصرم بن حوشب کو وضاعین ومتہمین کی فہرست میں شمار کرکے فرماتے ہیں: ’’قال يحيى: كذاب خبيث، وقال ابن حبان: كان يضع الحديث عن الثقات‘‘. یحیی l فرماتے ہیں کہ یہ کذاب، خبیث ہے، اور ابن حبان l فرماتے ہیں: یہ ثقہ راویوں کے انتساب سے حدیث گھڑتا ہے۔