[ { "heading": "", "content": "

”۔۔۔ بخاری میں\nحضرت علی کرم اللہ وجہہ سے روایت ہے بعض لوگوں نے ان کے زمانے میں یہ مشہور کر دیا\nتھا کہ حضور ﷺ نے حضرت علی r کو کچھ خاص علوم عطا فرمائے تھے جو دوسروں کو\nنہیں بتلائے گئے، غضب یہ کہ تصوف کی بعض کتابوں میں بھی لکھ دیا ہے کہ شب معراج\nمیں حضور ﷺ کو نوے ہزار علوم عطا کئے گئے تھے : تیس ہزار تو عا م کر دئے گئے تھے،\nاور تیس ہزار خواص کو بتلا ئے گئے، اور تیس ہزار خاص حضرت علی r کو عطا ہوئے۔

اور اس کے متعلق ایک لمبا قصہ ہے کہ حضورﷺ نے اول حضرت ابو\nبکر r سے پوچھا کہ اگر ہم تم کو وہ خاص علوم بتلادیں تو تم کیا کرو گے؟\nانہوں نے کہا : یا رسول اللہ! میں خوب عبادت کر وں گا اور جہاد میں کوشش کروں گا،\nآپ ﷺ نے فرمایا : تم ان کے اہل نہیں (نعوذ\nبا للہ )، پھر حضرت عمر r سے پوچھا،\nانہوں نے کہا کہ میں دوسروں کو ہدایت کروں گا اور کفار پرسختی کروں گا، حضورﷺ نے فرمایا کہ تم بھی اس کے اہل نہیں، پھر حضرت عثمان rسے پوچھا اور انہوں نے بھی کچھ ایسا ہی جواب دیا،وہ بھی اہل\nنہ نکلے، پھر حضرت علی r سے پوچھا، انہوں نے کہا : میں مخلوق کی ستاری کروں گا، حضور\nﷺ نے فرمایا : ہاں تم اہل ہو، پھر ان کو وہ تیس ہزار علوم عطا ہو ئے ۔

کسی نے خوب فرصت میں بیٹھ کر گھڑی ہے، بھلا ان سے پو چھے کہ\nمعراج میں جو باتیں حضور ﷺ سے ہو ئی تھیں کیا تم ان کو سن رہے تھے جو تم کو ان کی تعداد بھی معلوم ہو گئی ۔

ایک بزرگ سے کسی نے\nپوچھا کہ معراج میں حضور ﷺ سے حق تعالیٰ نے کیا باتیں کی تھی، انہوں نے خوب جواب دیا: ؎

اَکنُوں کراد ماغ کہ پُر سد زباغبا ں بلبل چہ گفت وگل چہ شُنید و صبا چہ کَرد

(اب کس کا حوصلہ اور ہمت ہے کہ باغباں سے یہ پوچھے بلبل نے\nکیا کہا، پھول نے کیا سنا، اور صبا نے کیا کہا )

غرض حضرت علی r کے متعلق لوگوں کا یہ خیال ان کی حیات ہی میں ہو گیا تھا کہ\nان کو کچھ خاص علوم عطا ہوئے ہیں،جس کی وجہ یہ تھی کہ معارف وحِکم حضرت علی r کی زبان سے بہت ظاہر ہوتے تھے، اس سے لوگوں کو یہ خیال ہوا، پھر\nبعض نے خود حضرت علی r سے اس کو\nدریافت کیا : {هل خصکم\nرسول الله\nصلى الله عليه وسلم بشيء دون الناس}. کیا حضور ﷺ نے آپ کو دوسرے مسلمانوں سے الگ کوئی خاص چیز عطا\nفرمائی ہے؟ آپ rنے دو جواب دیئے : ایک جواب {قال: لا، إلا ما في هذه الصحیفة}. فرمایا ہر گز\nنہیں، مگر صرف وہ احکام جو اس صحیفہ میں لکھے ہو ئے ہیں (اس میں صدقات اور دیت کے احکام تھے، جن کا خاص نہ ہو نا سب کو معلوم ہے )۔

دوسرا جواب {قال ما خصنا\nرسول الله صلى\nالله عليه وسلم،\nإلا فهما أوتیه الرجل في\nالقرآن}. یعنی ہم کو خاص چیز عطا نہیں ہوئی، مگر ایک فہم جو حق\nتعالیٰ کسی بندہ کو قرآن میں عطا فرماویں۔

حاصل جواب یہ تھا\nکہ جو علوم مجھ سے ظاہر ہوتے ہیں ان کا منشاء یہ نہیں کہ حضور ﷺ نے مجھے کچھ خاص\nعلوم دوسرے مسلمانوں سے الگ بتلائے ہیں، بلکہ اس کا منشاء خاص فہم ہے، جو حق تعالیٰ\nنے قرآن یعنی دین میں مجھے عطا فرمائی ہے، یہی \nہےحقیقتِ علم جو تقوی سے حاصل ہوتی ہے، یہی ہے وہ فقہ جس کے متعلق رسول اللہ ﷺ کا ارشاد ہے: {فقیه واحد أشد\nعلى الشیطان من ألف عابد}. کہ ایک فقیہ شیطان پر ہزاروں عابدوں سے زیادہ گراں ہے۔۔۔“[1]۔

" }, { "heading": "

سابقہ مضمون ایک دوسرے انداز سے

", "content": "

\n\n\n\n\n\n\n\n\n\n\n\n\n\n\n\n\n\n\n\n”یہ جاہل صوفیوں میں مشہور ہے کہ کئی ہزار کلماتِ\nتصوف حضور سرور عالم ﷺ نے معراج سے واپس تشریف لا کر محض حضرت علی رضی اللہ تعالیٰ\nعنہ کو چپکے سے بتلائی ہیں [كذا في الأصل]،صریحاً غلط وکذب محض ہے،یہ روافض کی بناوٹ ہے، اہل\nسنت کی کسی معتبر کتاب میں نہیں،خود حضرت علی رضی اللہ تعالیٰ عنہ سے کسی نے پوچھا\nتھا کہ آپ کو حضرت سرور عالم ﷺ نے کچھ خاص\nباتیں تلقین فرمائی ہیں؟ حضرت علی r نے نہایت\nاہتمام سے انکار فرمایا، اور ارشاد فرمایا کہ ہمارے پاس کوئی خاص چیز نہیں، مگر\nقرآن مجید کی سمجھ جو اللہ تعالیٰ\nنے عطافرمائی ہے“[2]۔\n\n

" } ]